بيتي

عارف ايه
 

عارف ايه اللى بيتعبنى ويأثر فيا
شوقى ليك اللى مغلبنى ومصلت قلبى عليا
كلمتيين جايين على بالى بصلى فى عينيا
انت يا حبيبى بالنسبالى اغلى من روحى شويا
انا عندى كلمه هيا كلمه نفسى اقولهالك وخلاص
انا عندى كلمه هيا كلمه نفسى اقولهالك وخلاص
اه يا حبيبى اه يا حبيبى علمتنى بجد الاحساس
اه يا حبيبى اه يا حبيبى علمتنى معنى الاحساس

عارف ايه اللى بيتعبنى ويأثر فيا
شوقى ليك اللى مغلبنى ومصلت قلبى عليا

حياتى انت وعمرى انت وانت بعيد عمرى مبرتاح
حياتى انت وعمرى انت وانت بعيد عمرى مبرتاح
خليك معايا ارجوك كفايه دة اللى شوفته معاك دة كتير
خليك معايا ارجوك كفايه دة اللى شوفته معاك دة كتير

عارف ايه اللى بيتعبنى ويأثر فيا
شوقى ليك اللى مغلبنى ومصلت قلبى عليا
كلمتيين جايين على بالى بصلى فى عينيا
انت يا حبيبى بالنسبالى اغلى من روحى شويا

لسه فاكر قلبي يدي لك أمـــــــــــــــان

ولا فاكر كلمه ح تعيد اللي كـــــــــــان

أنساك .. دا كلام أنساك .. يا سلام
أهو دا اللي مش ممكن أبدا
ولا أفكر فيه أبدًا
دا مستحيل قلبي يميل ويحب يوم غيرك أبدًا
أهو دا اللي مش ممكن أبدًا
ولا ليله ولا يوم أنا دقت النوم أيام حبك
كان قلبك فين وحنانك فين كان فين قلبك
أنا أنسى جفاك وعذابي معاك ما نساش حبك

أنساك .. دا كلام أنساك .. يا سلام
واحب تاني ليه واعمل في حبك إيه
دا مستحيل قلبي يميل ويحب يوم غيرك أبدًا
أهو دا اللي مش ممكن أبدًا
ذكريات حبي وحبك ما انساهاش
هي أيامي اللي قلبي فيها عاش
فيها أحلامي قلتها وحققتها لي
فيها أحلامي لسه أنا ما قلتهاش
اللي فات من عمري كان لك من زمان
واللي باقي منه جاي لك له أوان
واحب تاني ليه واعمل في حبك إيه
دا مستحيل قلبي يميل ويحب يوم غيرك أبدًا
أهو دا اللي مش ممكن أبدًا

نبتدي منين الحكاية

لو حكينا يا حبيبي.. نبتدي منين الحكاية؟
احنا قصة حبنا.. ليها اكتر من بداية
عشنا فيها يا ما عشنا..شفنا فيها.. يا ما شفنا
لكن مشينا وكملنا.. مشوار الحب ووصلنا
والدنيا ما قدرت تعاندنا.. وتفرق بينا وتبعدنا
تعالى نقول لغيرنا.. أنا وانت ازاي قدرنا
نبعد عن أي عذاب.. ونعيش على طول أحباب
نحضن فرحتنا سوا.. ونخلي الحب شباب

وقابلنا انا وانت في مشوارنا.. حاجات كتير جرحت غيرنا
الغيرة وظنونها.. واللي بيجرى منها
في يوم ما قربت منا.. بعدها حبنا عنها
وقابلنا الحاسدين وشافونا.. ولا هانش عليهم يفوتونا
وقالوا علينا قالوا يا ما قالوا.. وهوانا ولا اتغير حاله
وتسافر وأسافر.. وأيام يطول السفر
وقلوبنا بتتقابل.. مع كل طلعة قمر
وان جت خطوتنا تغربنا.. حلاوة الشوق بتقربنا
ومنين يجينا الخصام؟.. ومنين يجينا البعاد؟
واحنا بين قلوبنا.. كل لحظة ميعاد
تعالى نقول لغيرنا.. انا وانت إزاي قدرنا
نبعد عن أي عذاب. ونعيش عل طول أحباب
نحضن فرحتنا سوا.. ونخلي الحب شباب

وفي لحظة وقفنا وابتدا خوفنا
ولقينا حوالينا الدنيا ضباب.. وليل وقلب جريح
زي أوراق الشجر وقت الخريف.. رماها الريح
سألنا روحنا ليه ..أكبر من حبنا.. ايه..ايه؟
لكن مطالش الخوف بينا..وعرفنا وشفنا وحسينا
أنت شايف الحب كله عيون.. وهمس لكن أنا شايف
أحلى كلام عشاق يا حبيبي.. هو كلام الشفايف
انت وانت جنبي في كل ميعاد.. بيجمعنا بتروح بعيد ويا التنهيد
وأنا بشوف لقانا هو اثنين سوا.. دايبين في لمسة ايد
بتقولي بخاف نمشي ونبعد.. دا الهوى جبار يلعب بينا

خايف من ايه؟
في اجمل إيه.. من حضن يدفينا
بتقولي شوف القمر ويايا شوف القمر
اللي كل العاشقين.. سهروا الليالي ليه
حلو القمر حلو.. بس أحلى من القمر.
.لو نخلي عمرنا يوم ندوق الحب فيه
واتبدد خوفنا.. من بعد وقوفنا
وبدقة قلوبنا.. عرفنا ايه الدوا
وعشنا الحب خيال.. وحقيقة سوا

"يرتنى طير وانا اطير حواليك مطرح متروح  عيونى عليك"

من يوم بعدك وأنا قلبي مكسور وحزين
محتار مش عارف الدنيا واخدني لفين
صعبان علي قلبي فراقك طب هعمل أية
جوايا حنين علشانك أزاي أداريه
طمني عليك قول فين ألاقيك مشتاق لعينيك
وبموت من شوقي ليك
وأزاي أنا أعيش لو مش وياك
مش قادر أنساك
أيامي بقت من غيرك ماليها الويل
بتعذب كل مايجي عليا الليل
وبروح علي صورتك أخدها في حضني وأنام
أهي حاجة وبتصبرني علي الأيام
دايما روحك حواليا وفي كل مكان
بتهون ياما عليا سنين حرمان

طمني عليك قول فين ألاقيك مشتاق لعينيك
وبموت من شوقي ليك
وأزاي أنا أعيش لو مش وياك
مش قادر أنساك
وبروح علي صورتك أخدها في حضني وأنام
أهي حاجة وبتصبرني علي الأيام
دايما روحك حواليا وفي كل مكان
بتهون ياما عليا سنين حرمان